Frisørane Irene Stana og Trude Lundevall. (Foto: Jarl Martin Garder, Kristian Dale).
Dei to frisørkjedene Floke og Balanzera er kåra til Årets nynorskbrukarar 2019, melder Ivar Aasen-tunet. De er begge medlem av NHO Service og Handel.
Bedriftene får prisen «for å nytte nynorsk i marknadsføring av frisørtenester i by og bygd på aust- og vestlandet,» seier styret i Nynorsk kultursentrum i grunngivinga si etter å ha vurdert 68 kandidatar.
– Gründerane Irene Stana i Floke og Trude Lundevall i Balanzera nyttar nynorsk som ein medviten del av identiteten i bedriftene sine. Dei gjer nynorsk synlegare i både bygder og byar, seier styreleiar i Nynorsk kultursentrum Lodve Solholm i en pressemelding.
Kvar av prisvinnarane får 50.000 kr kvar og eit grafisk blad av Arne Nøst som blir delt ut opningsdagen for Dei nynorske festspela i Ørsta 13. juni.
– Eg har vore oppteken av det nynorske språket sidan eg byrja å lese som sjuåring. Nynorsk er ein viktig del av identiteten min og dermed også identiteten til Floke. Det er ei stor ære å bli heidra med prisen som Årets nynorskbrukar, for meg personleg og alle mine medarbeidarar i Floke, seier administrerande direktør Irene Stana i Floke. Pengepremien vil ho nytte til utvikling av nye tekstar til den nye grøne produktserien LYNG, som blir lansert i år. Der vil det nynorske språket vere ein stor del av identiteten til serien.
Fortell oss hva du leter etter og gi oss dine innspill! Hvis du oppgir e-post, kan vi kontakte deg ved behov. Vi kan dessverre ikke besvare alle henvendelser, men din tilbakemelding hjelper oss å gjøre nettstedet bedre.
